जागृहि जागृहि ॥ Astro Classes.

जागृहि जागृहि ॥  Astro Classes, Silvassa.

आशया बद्ध्यते लोकः कर्मणा परिबद्ध्यते ।
आयुःक्षयं न जानाति तस्मात् जागृहि जागृहि ॥

जन्मदुःखं जरादुःखं जायादुःखं पुनः पुनः ।
अन्तकाले महादुःखं तस्मात् जागृहि जागृहि ॥

कामक्रोधौ लोभमोहौ देहे तिष्ठन्ति तस्कराः ।
ज्ञानरत्नापहाराय तस्मात् जागृहि जागृहि ॥

ऐश्वर्यं स्वप्नसङ्काशं यौवनं कुसुमोपमम् ।
क्षणिकं जलमायुश्च तस्मात् जागृहि जागृहि ॥

माता नास्ति पिता नास्ति नास्ति बन्धुः सहोदरः ।
संसारे किमपि नास्ति तस्मात् जागृहि जागृहि ॥
(variation  नास्ति किञ्चिद्धि संसारे तस्मात् जागृहि जागृहि ॥)

माता पिता च पुत्राश्च स्त्रीसहोदरबान्धवाः ।
स्वार्थसम्बन्धिनः सर्वे तस्मात् जागृहि जागृहि ॥