VedaSara Shivastotram. in Gujrati

VedaSara Shivastotram. વેદસારશિવસ્તોત્રમ્ ।।

અથ વેદસારશિવસ્તોત્રમ્ ।।

પશૂનાં પતિં પાપનાશં પરેશં
     ગજેન્દ્રસ્ય કૃત્તિં વસાનં વરેણ્યમ્ ।
જટાજૂટમધ્યે સ્ફુરદ્ગાઙ્ગવારિં
     મહાદેવમેકં સ્મરામિ સ્મરારિમ્ ॥ ૧॥

મહેશં સુરેશં સુરારાતિનાશં
     વિભું વિશ્વનાથં વિભૂત્યઙ્ગભૂષમ્ ।
વિરૂપાક્ષમિન્દ્વર્કવહ્નિત્રિનેત્રં
     સદાનન્દમીડે પ્રભું પઞ્ચવક્ત્રમ્ ॥ ૨॥

ગિરીશં ગણેશં ગલે નીલવર્ણં
     ગવેન્દ્રાધિરૂઢં ગુણાતીતરૂપમ્ ।
ભવં ભાસ્વરં ભસ્મના ભૂષિતાઙ્ગં
     ભવાનીકલત્રં ભજે પઞ્ચવક્ત્રમ્ ॥ ૩॥

શિવાકાન્ત શમ્ભો શશાઙ્કાર્ધમૌલે
     મહેશાન શૂલિઞ્જટાજૂટધારિન્ ।
ત્વમેકો જગદ્વ્યાપકો વિશ્વરૂપઃ
     પ્રસીદ પ્રસીદ પ્રભો પૂર્ણરૂપ ॥ ૪॥

પરાત્માનમેકં જગદ્બીજમાદ્યં
     નિરીહં નિરાકારમોઙ્કારવેદ્યમ્ ।
યતો જાયતે પાલ્યતે યેન વિશ્વં
     તમીશં ભજે લીયતે યત્ર વિશ્વમ્ ॥ ૫॥

ન ભૂમિર્નં ચાપો ન વહ્નિર્ન વાયુ-
     ર્ન ચાકાશમાસ્તે ન તન્દ્રા ન નિદ્રા ।
ન ચોષ્ણં ન શીતં ન દેશો ન વેષો
     ન યસ્યાસ્તિ મૂર્તિસ્ત્રિમૂર્તિં તમીડે ॥ ૬॥

અજં શાશ્વતં કારણં કારણાનાં
     શિવં કેવલં ભાસકં ભાસકાનામ્ ।
તુરીયં તમઃપારમાદ્યન્તહીનં
     પ્રપદ્યે પરં પાવનં દ્વૈતહીનમ્ ॥ ૭॥

નમસ્તે નમસ્તે વિભો વિશ્વમૂર્તે
     નમસ્તે નમસ્તે ચિદાનન્દમૂર્તે ।
નમસ્તે નમસ્તે તપોયોગગમ્ય
     નમસ્તે નમસ્તે શ્રુતિજ્ઞાનગમ્ય ॥ ૮॥

પ્રભો શૂલપાણે વિભો વિશ્વનાથ
     મહાદેવ શમ્ભો મહેશ ત્રિનેત્ર ।
શિવાકાન્ત શાન્ત સ્મરારે પુરારે
     ત્વદન્યો વરેણ્યો ન માન્યો ન ગણ્યઃ ॥ ૯॥

શમ્ભો મહેશ કરુણામય શૂલપાણે
     ગૌરીપતે પશુપતે પશુપાશનાશિન્ ।
કાશીપતે કરુણયા જગદેતદેક-
     સ્ત્વંહંસિ પાસિ વિદધાસિ મહેશ્વરોઽસિ ॥ ૧૦॥

ત્વત્તો જગદ્ભવતિ દેવ ભવ સ્મરારે
     ત્વય્યેવ તિષ્ઠતિ જગન્મૃડ વિશ્વનાથ ।
ત્વય્યેવ ગચ્છતિ લયં જગદેતદીશ
     લિઙ્ગાત્મકે હર ચરાચરવિશ્વરૂપિન્ ॥ ૧૧॥

ઇતિ શ્રીમત્પરમહંસપરિવ્રાજકાચાર્યસ્ય વિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌ વેદસારશિવસ્તોત્રં સમ્પૂર્ણમ્ ।