अथ श्री जगन्नाथ अष्टक स्तोत्रम् - आदि शंकराचार्य ।। Astro Classes, Silvassa.

अथ श्री जगन्नाथ अष्टक स्तोत्रम् - आदि शंकराचार्य ।।
Astro Classes, Silvassa.
कदाचि त्कालिंदी तटविपिनसंगीतकपरो ।
मुदा गोपीनारी वदनकमलास्वादमधुपः ।।
रमाशंभुब्रह्मा मरपतिगणेशार्चितपदो ।
जगन्नाथः स्वामी नयनपथगामी भवतु मे ॥ १ ॥

भुजे सव्ये वेणुं शिरसि शिखिपिंछं कटितटे ।
दुकूलं नेत्रांते सहचर कटाक्षं विदधते ।।
सदा श्रीमद्बृंदा वनवसतिलीलापरिचयो ।
जगन्नाथः स्वामी नयनपथगामी भवतु मे ॥ २ ॥

महांभोधेस्तीरे कनकरुचिरे नीलशिखरे ।
वसन्प्रासादांत -स्सहजबलभद्रेण बलिना ।।
सुभद्रामध्यस्थ स्सकलसुरसेवावसरदो ।
जगन्नाथः स्वामी नयनपथगामी भवतु मे ॥ ३ ॥

कथापारावारा स्सजलजलदश्रेणिरुचिरो ।
रमावाणीसौम स्सुरदमलपद्मोद्भवमुखैः ।।
सुरेंद्रै राराध्यः श्रुतिगणशिखागीतचरितो ।
जगन्नाथः स्वामी नयनपथगामी भवतु मे ॥ ४ ॥

रथारूढो गच्छ न्पथि मिलङतभूदेवपटलैः ।
स्तुतिप्रादुर्भावं प्रतिपद मुपाकर्ण्य सदयः ।।
दयासिंधु र्भानु स्सकलजगता सिंधुसुतया ।
जगन्नाथः स्वामी नयनपथगामी भवतु मे ॥ ५ ॥

परब्रह्मापीडः कुवलयदलोत्फुल्लनयनो ।
निवासी नीलाद्रौ निहितचरणोनंतशिरसि ।।
रसानंदो राधा सरसवपुरालिंगनसुखो ।
जगन्नाथः स्वामी नयनपथगामी भवतु मे ॥ ६ ॥

न वै प्रार्थ्यं राज्यं न च कनकितां भोगविभवं ।
न याचे२ हं रम्यां निखिलजनकाम्यां वरवधूं ।।
सदा काले काले प्रमथपतिना चीतचरितो ।
जगन्नाथः स्वामी नयनपथगामी भवतु मे ॥ ७ ॥

हर त्वं संसारं द्रुततर मसारं सुरपते ।
हर त्वं पापानां वितति मपरां यादवपते ।।
अहो दीनानाथं निहित मचलं निश्चितपदं ।
जगन्नाथः स्वामी नयनपथगामी भवतु मे ॥ ८ ॥

।। इति श्री शंकराचार्य विरचितम् जगन्नाथाकष्टकम् ।।